Үйірменің мақсаты: оқушыларға жүйелі дебат ойындарының ережесін түсіндіруге, оқушыларды шешендік өнерге, сауатты сөйлеуге, өз пікірін дәледі жеткізуге үйретуге бағытталған. Оқушылар мектеп лигасында жиі қолданылатын Американдық Парламенттік формат (АПФ), Карл –Поппер форматы, Линкольн-Дуглос (ЛД) форматын меңгерген.

Қатысушылар: Үйірмеге қызығушылық танытқан, таңдалып алынған мектебіміздің 8-10 сынып оқушылары қатысады. Үйірме аптаның жұма-сәрсенбі күні оқушыларға пікірсайыстың қыр-сырын, ойын ойнау дағдыларын, ойынға төрешілік ету дағдыларын қалыптастыруға қызмет атқарады.

Артқарылған іс-шаралар: 2020-2021 оқу жылында мектепте тілдер апталығында, 1-желтоқсан Тұңғыш Президент күніне орай, 16 желтоқсан тәуелсіздік күніне орай мектепішілік пікірсайыс ойындары ұйымдастырылды.

       

                 

Қатысқан іс-шаралар: Үйірменің 7-сынып оқушыларынан құралған «Абай-175» тобы 2019 жылдың 21 желтоқсанында Ұлттық Мұражайдың қолдауымен № 53 мектеп-лицейінде өткен Алтын Орда империясының 750 жылдығына арналған қалалық дебат турнирінде «БАС ЖҮЛДЕ»-ге ие болды. Құрамында: Әсен Сетер, Бексұлтан Тайсағат, Мақсұр Ерасыл.

8-сынып оқушылары: Өмірзақ Мұқағали, Қайырбек Медина, Жанболатқызы Ақнұрдан құралған командамыз 43команданың ішінен 1/6- ойындарына өтті. Аталған топтың мүшесі-Қайырбек Медина «Үздік спикер» атанса, үйірме жетекшісі- Амангазина Айгерім Ерболқызы- «Үздік төреші» атағын жеңіп алды.

Биылғы 2019-2020 оқу жылында үйірменің оқушылары Шымкент қаласында өткен Алғыс айту күніне арналған Республикалық «Ұшқыр ой алаңы» дебат конкурсына 9-сынып оқушысы- Мадиұлы Сұлтанбейбарыс, 7-сынып оқушысы Әсен Сетер қатысып 1/6- ойындарына өтті.

Үйірме оқушылары қатысып жүргендеріне 1-2 жыл болса да, жыл сайын ұйымдастырылаты мектеп лигасы турнирлеріне үзбей қатысады.

                              Үйірме жетекшісі: Амангазина Айгерім Ерболқызы

№9 «Зерде» мамандандырылған мектебі