1-қараша күні мектебімізде Кемелдену құндылығы айының басталуымен тұспа-тұс келген “Олимпиадалық тиімді орта қалыптастыру” тақырыбында “Үздік педагог – 2019”, “Қазақстан мұғалімі” Ұлттық сыйлығының иегері, ҚР Білім беру ісінің құрметті қызметкері, Астана қаласы дарынды ер балаларға арналған «Білім инновация» лицейінің математика пәнінің мұғалімі Гюль Муаммер мырзаның қатысуымен семинар-тренинг өтті.
           Семинар барысында Муаммер мырза өзінің ұстаздық жолында дарынды балалармен жұмысы туралы тәжірибесімен бөлісіп, олимпиадаға дайындық мұғалімге де, оқушыға да пәнді жақсы көру, қызығушылық танытуды, жүйелі дайындықты қажет ететіні жайында тұшымды әңгімелеп берді. Кеш соңында ұстаздар мен оқушыларды қызықтырған сауалдарға жауап беріп, фотоестелік жасалды.